Аралбай ОҢҒАРБЕКҰЛЫ

«Адайдың бес жүйрігінің» бірі атанған Аралбай Оңғарбекұлы 1857 жылы Маңғыстаудың Ақшабас-Айрақты, Қарақұм аймақтарында туған. Аралбай ақын өзінің ойлы, айшықты толғауларымен халқының сүйіктісіне айналған бұқара  жыршысы. Жыршылар Аралбайды өздері іздеп келіп, өлеңдерін сұрап алып халық арасына айтып таратқан.

Аралбай ақынның жыр мұраларын сонау отызыншы жылдары халық ақыны Сәттіғұл Жаңғабылұлы алғашқылардың бірі болып жинақтап Қазақстан Ғылым Академиясының қолжазба қорына тапсырған.

Оның өмірі мен шығармашылығы жайлы тынбай іздестіру жұмыстарын жүргізіп, жырларын газет беттерінде  жариялатқан–белгілі ғалым Қ.Сыдиықұлы.