Жеткізген СЕЙІТОВ

1954 жылы Маңғыстау облысының Ұланақ жерінде туған. Әнші, жыршы, шежіреші, «ҚР мәдениет саласының үздігі» төсбелгісінің иегері.

Жастайынан әкесі Бұлтуғаннан тәлім алып, Сүгір, Дүйсенбай, Шамығұл жырларын тыңдап өскен. Мұхит, «Адайдың жеті қайқысы», Ғ.Құрманғалиев әндерін шебер орындаушы. Маңғыстаудың ақын, жыршыларының шығармаларын насихаттап, өзі де жанынан сөз шығарады. Оның орындауындағы Маңғыстау жыр-термелері «Қазақ радиосының» «Алтын қорында» сақтаулы. «Сарын», «Иірім» кітаптары жарық көрді. Қазір Маңғыстау облыстық филармониясының әншісі.

Дереккөзі: Баба сарын бабауы (Маңғыстау өнер шеберлерінің антологиясы). Алматы, 2016.